Ek onthou hoe ek, my ma en ouma hierdie koffiewinkel in 2000 besoek het en alles van blomme tot biochemie bespreek het.

Ek het kleintyd so gehang aan haar lippe oor Antonio, Portia en die pond vleis naaste aan sy hart uitsny - dit was so allervreemd en ongelooflik. En die koopman van Venisië was so 'n avontuurlike titel - ek wou die storie oor en oor hoor! Min het ek geweet sy voer ons lepels vol Shakespeare terwyl ons nog kleuters is!

Ons kleinkinders kon vir ure om Ouma sit en luister na haar interessante stories - ek onthou nou net grepe daarvan, maar ons monde het byna oopgehang ... sy het mens na 'n ander wereld laat reis ...!!!

Tannie Hanlie was daardie dag in "beheer"  van Ouma se versorging....sy het pragtig gelyk

As 'n kind onthou ek Ouma as iemand wat die mees wonderlike verjaarsdagkoeke gebak het. 'n Mallemeule, 'n skatkis. Dit het verjaarsdae ekstra spesiaal gemaak as jy een van haar koeke gehad het.
En Turkstra in Potch, die gebak wat sy vir hulle gemaak het.
Nou nog as ek marsepein eet dink ek aan Ouma Ellie.