ForeverMissed
Large image
Stories

Share a special moment from Chadi's life.

Write a story

الى حبيب قلبي خيي شادي

August 2, 2016

غربني الزمن ما كنت كتير شوفك 

وهلق  غير بالحلم ما عادني شوفك

رحت عالبيت الجديد تزورك

ضليت نايم يا عمري وما اهلت بضيوفك 

ما لحقت تفرح بالدني بعدك طري 

الحلو كتير عزفك مش عزوفك 

صوتك من النايات اجمل وجهك حلو

اللي بيسمعك مبسوط واكتر البشوفك

كيف تعرف تنمق الكلمات كيف كاين تجمع حروفك

شو حب قعداتك مع النغمات وتعند ظروفي انا مرة ومرة ظروفك

رغم الزمن كان الوفى سيفك   نادرين الرافقو صفوفك

بعمر الورد اهل الفرح راحوا حرام عليك مليانة كهوفك

ما قلنالك يا قدر على موالنا تغني   بس عالقليلة لطف صروفك 

ليش بموت الوفا والظالم بيبقى  عتقنا يا زمن من صدك من انوفك. 

علمتني خيي عالمحبة والوفا.  بعمري انا ما نسيت معروفك 

ذكراك الجميلة بقلبي يا عمري وروحك الطاهرة بالسما 

 وبقلبي رح تضل عايش تشوفك..محبتي لك تفوق الوصف وقد احببتك 

اكثر من نفسي..R.I.P.. :-(  :-( ;-( 


poem

March 18, 2014

 

الشكوي ﻻلله..بديت اﻵﻻم
نزف صدري دم فرخ عذابي
عاضض عجرحي و عالوجع صابر
بسهمو رماني القدر مرمر شرابي
مرقوا كم نهار ضيم و متعبين
و صفيت بالمشفى غافل عن مصابي
قديش في محبين و قلبهن عليي
خوفي خنقني بمر الكآبي
و بدل ما يضمضوا جراحي اﻻطبا فتحوها
و كتروا سطور الهم بكتابي
و بلكي الشفا ﻻقي و تغير المطرح مرقت عالدار
ولك ما قدرت حتى بدل تيابي
الصغار صاروا يبوسوا ديي و عيونهن تحكي
ﻻ تتركنا يا شادي بعدو ما صار الورد عنابي
و بلش المكتوب عجبيني يوشوشني
و قلبي و عينيي يودعوا اصحابي
قولك رح تعود شمس الصيف تحرقني 
سألتو لبيي الجن عغيابي
و حسيت حالي بآخر المشوار
تطلعت صوب الحقل جنابي
و بلهفة المشتاق و العطشان
قللي الحقل ﻻ تيبس اعشابي
قلبي هتف ما عاد فيي رطب اعشابك
صوب سهامو الموت عزهرة شبابي
عشموني بالصبر قلتلهن بصبر
و للحقيقة فقدت اعصابي
و بزنزانة الموت وحدي بقيت لحالي
ﻻ حب فيها ﻻ امل فيها ملل فيها رتابة
ما الك قلب تتركني بحالي يا زمن ! تخمين؟
ولو..تخمين ما شميت عطر أطيابي
رايح غصب عني ما كان بدي روح
و كتير تإبقى مهمين أسبابي
و لو تركتيني يا امي على هالباب موت
عإيديك اللي ربوني و رقعوا جرابي
و بدل ما موت هونيك وحدي بعيد
بموت و انا عم شم ريحة ترابي
هون عليي بتحزن الوردات
بيبكي السهل بتنوح الروابي
يا دهر فوق اﻷرض عذبتني و كترت
و بالقبر صيرتني حرقة ﻷحبابي
و بين القدر و المكتوب في ألم في ويﻻت
شو في قلوب منتفة و قلوب منصابي
ﻻ عاد عطرك يا ورد يسكرني و يرويني
و ﻻ عاد لونك يا ورد رح يصير عنابي....

لروحك الطاهرة يا خيي بهدي باقة هالكلمات...

اسمهان .ف. شحود

Share a story

 
Add a document, picture, song, or video
Add an attachment Add a media attachment to your story
You can illustrate your story with a photo, video, song, or PDF document attachment.