ka nau ka va han ngai tak che em. vawiin piamchan a lo thlen phei hi chuan e, awm ngaihna ka hre lo asin, i thian leh rual, unau ang maia i lo en thin ten an ui zia thu an sawi tliar tliar a, kei i u hian ka lo hriatthiam bak hian i thiante tan hian hlimna i lo thlen thin tih reng ka hre si lo. Ka nau, ka bawihte, i tana hun hnuhnung hmangin i thiante an rawn fuan khawm asin. An thianpa thlah nan an rawn kal khawm a, chhan ngaihna ka va han hre si lo em. Mi fate chu an thian te hmun danga hna thawk turin hlim takin an thlahliam a, an lam a, an zai asin.

Bawiha i u hi min ti hrilhhai em mai aw.. Rema, nang chu kan unau zingah pawh ka koh ber kha i ni thin asin, hna thawh tur a awm hlekin min pui roh ka ti che anih kha.. bawihte i natna kha ka lo hrethiam lo ani min ngaidam rawh aw .... kan insak bungraw lak a ngai si a, ka phut lo thei lo che sia, i natna hrethiam miah loh khan ka lo phut ve em em che a min ngaidam rawh aw.

ka nau, ka mitthla ah hian a la cham reng asin, kan insak bungrua a lo thleng a, i taksa chak lo tak chung khan i rawn pu thla a, ka nau i natna hi ka lo hrethiam phak lo ani.

i that beiseiin damna run ah i duh loh chungin ka nawr lut che a.. ka nau ka tihpalh aw. keichuan i dam ka duh vang chauhin asin ka tirh liam che.
In thlahrung tak khan i hun i hmang si maw, ka nau i u hian ka nunna thap hian i damna turin ka nun hi ka hlan phal asin.
Ka nau, ngaihtha tak khan ka om a, nang chuan min kalsan ta si a

Rema ka ngai che asin.