የኢንጂነር ተክለጻዲቅ አበራ አጭር የሕይወት ታሪክ

ኢንጂነር ተክለጻዲቅ አበራ ከአባታቸው ከአቶ አበራ ሳህሌ እና ከእናታቸው ከወ/ሮ አልማዝ አሳመረ ጥቅምት 27 ቀን 1962 ዓ.ም በአዲስ አበባ ልዩ ስሙ አማኑኤል በሚባለው አካባቢ ተወለዱ፡፡ እድሜአቸው ለትምህርት ሲደርስ በቄስ ት/ቤት ገብተው ከፊደል አስከ ዳዊት ንባብ ድረስ ከዘለቁ በኋላ በየካቲት 23 1ኛና መለስተኛ 2ኛ ደረጃ ት/ቤት ከ 1ኛ እስከ 8ኛ ክፍል ተምረዋል፡፡ የሁለተኛ... read more

ተወዳጁ ወንድሜ የእኛን አስተዳደግ መቼም በዙሪያችን ያለ ሁሉ ያውቀዋል ከልጅነት ጀምሮ ለአንተ ያለን ክብር እና ፍቅር የማይለዋወጥ ነበር።አንተ ማለት ለእኛ ወንድምም አባትም ጓደኛም ነበርክ። አንተ ማለት ለዚህ ቤተሰብ ምሰሶ ነበርክ ከልጅነት ጀምሮ ኮትኩተህ አሳድገህ ፣አስተምርህ ፣ድረህ ለቁምነገር አብቅተህናል የተለየህ ሰው ነበርክ ሁሌም ቢሆን ከልቤ አትጠፋም በምንም ቋንቋ ስለአንተ መግለፅ አይቻልም አንተ የብዙ ሰው ተስፋ ነበርክ ከአንተ እግዚአብሔን መፍራት፣የቤተሰብ ፍቅርን ፣የዘመድ ፍቅርን፣ለሙያ መታመንን፣ለሰው መኖርን ተምሬአለሁ አንተ የሕይወት መምህሬ ነበርክ  አንተ የቤተሰቦችህን ብቻ ሳይሆን በዘሪያህ ያሉ ሰዎችን ሁሉ ሕይወት ቀይረሀል በዚህም ሁሌም እኮራብአለሁ ውዱ ወንድሜ አንድ ሰው በሕይወት ዘመኑ መስራት የሚገባውን በጎ ስራ ሁሉ ሰርተሀል  ሁሌም እንደምትለው "ሰው ለራሱ ብቻ ከኖረ ምን ዋጋ አለው" እናም ያንተን ፈለግ ለመከተል ቃል እገባለሁ እንግዲህ ወንድሜ በህልም እየመሰለኝ እኖራለሁ እግዚአብሔር ነፍስህን በገነት ያኑርልኝ  በየደቂቃው አስብህአለሁ!!                           

            አክባሪ ወንድምህ    ይርጋለም አበራ

                                 ግንቦት 09/2013