"MaJuta, Mzukulu kumaNdlangisa,ooThole lenkomo ndohlala ndikukhumbula. Uthi khona akutsholoza ngentsholo emnandi uthunjana wakho U-Phumza ndicinge loo ntsholo yakho emnandi. Hayi Madoda lomhlaba uyafihla. Uyabona kwelemimoya ingqeqesho yakho. Ziyabuya iimpendulo zemithandazo yakho nnje"

Loo mini isathe thaa engqondweni yam ngathi bekuyizolo!

Zagungxulwa izisekelo babhengcwa ubuze bethu ukuze sizimilisele kulowo useNyangweni.
Siyazingca ngawe Majuta!

Loo mini isathe thaa engqondweni yam ngathi bekuyizolo!

Zagungxulwa izisekelo babhengcwa ubuze bethu ukuze sizimilisele kulowo useNyangweni.
Siyazingca ngawe Majuta!

"Ngwenduna! ndithi ndakucinga ngawe ndive intliziyo yam ichulumancile. Ndohlala ndibulela ukuba noMzalikazi onguwe. Imihla ngemihla sivuna kwiziqhamo zesosandla sakho esinobubele. INkosi mayikukhanyisele ngokhanyiso olungacimiyo.

Ngwenduna, Mdlangathi, Majuta!

Intliziyo iyaphuphuma lulonwabo lokwazi ukuba ubuncwane bobomi kaloku nje babekelwa isiseko esisiso yimisebenzi yakho gorhakazi!

Izindlu zamaNtlane zikothulela umnqwazi. Umendo wawuthozamela, ntombindini kaMhlola.

Asimsoli nganto uThixo koko siphakamisa izandla sisithi ufanelwe kukubongwa ntsuku zonke. Nangale mini yokunduluka kwakho waye lawula. Sohlala sikukhumbula Ngwenduna.

Asimsoli nganto uThixo koko siphakamisa izandla sisithi ufanelwe kukubongwa ntsuku zonke. Nangale mini yokunduluka kwakho waye lawula. Sohlala sikukhumbula Ngwenduna.

Ngobukho bakho Ntlangwane; ngengqeqesho yakho, ngeemfundiso zakho; ngemithandazo yakho; for the sacrifices you made: kwade kwazuza de kwaxhamla nathi kwizizukulwana ezikulandelayo! Kuba wena waba sisikhukhukazi senene: wafukama de wafukama nothando olufikelela ezizweni. Ngaphandle kwemfudumalo yothando lwakho inzala yakho kude kuse kwizizukulwana ngeyinge nje! Ndiyakubulela Majuta!                                                 Your life did not only touch your immediate family, extended family and people in your immediate vicinity but, it continues to impact even the people you were destined never to meet or to converse with. Kodwa nathi sibuva ubukho bakho kwiziqhamo zomsebenzi wakho omkhulu kubantwana nesizukulwana sakho, Ntombindini kaMhlola!

I am what I am because our paths crossed and you engraved life sustaining strategies in my young brain. Kuhle ke Majuta!

Namhla ndikuva ucula kamnandi Ngwenduna usithi: "Kungawo amandla avela eNkosini....."

Le nto ingumntu ihlal' ihlal' ikhumbuleke! Isavakala intsholo yakho yamaculo amnandi.

Nkomo zobhedu!
Magqangana!!

"Mencwa, Ngwenduna, Mngeya, Mdlangathi ngesendithi Noluthando",wabangumzekelo omhle usikhulisa ebunzimeni. Kunamhla sinamagama, saziwa ezizweni. Ngemfundisi zakho asizoyikiseli kukokonke esikwenzayo, siyakwazi ukuzimela kumahla-ndinyuka oBomi. Ngenene wasithwala ngethala njenge-Kangaroo.Siyabulela imizuzu,imihla...neminyaka esayichitha nawe kwikhaya elishushu"

Majuta! Singabantu abangcono namhla ngenxa yonyamezelo nembulaleko yakho. Siyabulela ngobomi bakho. Imini zolonwabo nempuphuma yothando lwakho zigcwele kwiingcinga zethu imihla ngemihla. Siyambulela uBawo ngobomi bakho.