Dumela khunwana ya Bafurutshe
.Dumela tshetsanyana -tshetsa
Tshetsanyana-tshetsa ya ga mma-Keineng
Dumela m,hurutshe wa molloma thotse
Motshweneng ke naiwa mmeleng,makopong ke naiwe
Dumela Mma-Isopo wa bo Mooketsane
Dumela Keineng yoo ra-Mitsi

Ngwaga ya bo e le wa twalofo
Diphalane a lebile go fela
Phalana tso-ra-Mitsi tsa lela
Tsa lela ka di bega khunwana
 E le montlenyane yo mokhutswanyane
Tlhaa di tshologile nko el le letsina
Kana ke bua ka Keineng.
Ke ineeng ka ke sena sepe

Isaka a mo leba .ga bo go lekanye
Isaka leitsibolo la ga Mmatakeng
A mo leba,a mmona, a mo gorosa
 A mo gorosa ,tlharapa le l;eele
A mo gorosa ka di le thataro
Ya borataro e bile e le nemeru
A mo dira ngwetsi ya Bakwena 
A mo dira khumagadi  yoo ra-Tladinyane
 
Mmaagwe Phontwe.Motlalepule le Mpho
Mmaagwe Garatwe le Semoptseng
Kana o tladitse lesaka ka tsa bogadi
Ke mmaagwe tshimane le tshetsana
Nkokoagwe tshimanyana le tshetsanyana
O belege dinatla ka e le senatla
 M,hurutshe, o dirile go tlala seatla

Ao pigi ya tlhaga e tswa Tlhabane
Ga twe e ole khunwana ya Bafurutshe
Ga twe mogwang o ile borwa
Tlhabane ya tla ka makatla-namane
Tshwane ya tla ka matodi-todi
Rantjadialomang ene ga ke bue
Ba tla ka mogoso ba gosomana
Ba tsile go felegetsa khunwana ya bafurutshe