Storie van Mamma
Jy was van kleintyd af maar my ou ongeluks voëltjie, dit was altyd jy wat seergekry het, sommer nog doek gedra toe jy jou vinger oopgesny het met ’n spieël wat nog rondgestaan het toe ons in Kriel in getrek het, moes 4 steke in daai klein vingertjie kry. Tussen deur was dit maar die normale stukkende knieë, blou kolle en skrape.
Standerd ses het jy eers jou heup gebreek, moes vir 6 weke lê, dit was siel dodend vir jou, later die jaar het jy baie seer gekry met ’n vierwiel motorfiets, jou voet se bodeel was alles weggeskuur, moes veloorplantings kry, maar jy het weer opgestaan. In standerd agt het jy jou sleutelbeen gebreek, dit was darem nie te erg nie.
25 Februarie 2010 was jy in ’n motor ongeluk saam met een van jou vriende, Greg, onthou nog so goed, jy het my gebel en dadelik gesê “Ma moenie worry, maar ons was in ongeluk, het kar gerol, maar ons is oraait”. Jul het wonderbaarlik geen ernstige beserings opgedoen nie, net ’n paar skrape maar die kar was stukkend..... Jy was altyd die een wat my gebel het om te sê “Ma ons het weer slegte nuus gekry.....”, as een van jul vriende iets oorgekom het.
Toe op 24 April 2010, ons was by Ons Plek, Hazyview, jul sou die volgende oggend saam met René hul deurkom, jy het nog gebel met die “score” vir Oom Jaco, nog lekker gespot oor die eind telling. Net ’n rukkie later het ek weer met jou gepraat, gevra of jul goedjies gepak is, alles was reeds by René se huis, toe ek weer net so na 8 uur bel, het jou foon net gelui, net daarna kry ek toe ’n oproep van Veronica af, ek het gedink dis jy wat bel omdat jy nie geld op jou foon het nie, maar toe bel sy om te sê jy het ’n ongeluk gehad, dit was slegs ’n paar meter van waarheen jy oppad was. Die ander party moes op daardie tyd ook besluit om te ry, en jy moes op daardie hele grote sypaadjie op die sement drein blok val...... jy wou net goed doen deur vir iemand anders hul motorfiets huistoe te vat, dit was toe jou laaste goeie daad, toe kry jy so seer dat Liewe Jesus besluit het om jou maar liewer te vat want hierdie seerkry was net te erg......
My liefste seun jy het so groot begrafnis gehad, jy was so gewild en bemind, het soveel mense lewens aangeraak, ek glo jy gaan net so gewild wees daar in die hemel......
Ons verlang na jou, jou plekkie is leeg, maar ek weet daar waar jy nou is, is geen pyn, geen seer, net geluk.......
Lief jou vir altyd!!
Mamma